സോഷ്യൽ മീഡിയയിൽ ഇന്ന് വൈറലായിരിക്കുന്നത് പ്രശസ്ത നടി ശ്വേതാ മേനോന്റെ ചിത്രങ്ങളാണ്. തികച്ചും വ്യത്യസ്തമായ കഥാപാത്രത്തിന്റെ ലുക്കിലാണ് താരം പ്രത്യക്ഷപ്പെട്ടിരിക്കുന്നത്. ചിത്രത്തിൽ മവോയിസ്റ്റായി നിൽക്കുന്ന ശ്വേതയെയാണ് കാണാൻ കഴിയുക. ‘ബദല്‍: ദ മാനിഫെസ്റ്റോ’ എന്ന ചിത്രത്തിലെ ഫോട്ടോയാണ് പുറത്തു വന്നിരിക്കുന്നത്. നാടകപ്രവര്‍ത്തകന്‍ എ. അജയന്‍ ആദ്യമായി സംവിധാനം ചെയ്യുന്ന ചിത്രമാണിത്.
കനിമൊഴി എന്ന കഥാപാത്രമായാണ് ശ്വേത ഈ ചിത്രത്തിൽ വേഷമിടുന്നത്. കുറച്ചുനാളത്തെ ഇടവേളയ്ക്കു ശേഷം ശ്വേത മലയാളത്തിലേക്ക് ശക്തമായി തിരിച്ചുവരികയാണെന്നാണ് അണിയറയിലെ വർത്തമാനങ്ങൾ. കുറച്ചുകാലം മുമ്പേ തീരുമാനിച്ച ചിത്രം പലകാരണങ്ങൾകൊണ്ട് വൈകുകയായിരുന്നു.
