45 ദിവസത്തിലധികം നീണ്ടു നിന്ന തമിഴ്‌നാട്‌ തിയേറ്റർ സമരം പിൻവലിച്ചു. മന്തി കാടമ്പുർ രാജുവുമായി തമിഴ്‌ ഫിലിം പ്രൊഡ്യൂസേഴ്സ്‌ കൗൺസിൽ നടത്തിയ ചർച്ചയിലാണ് തീരുമാനം. ഇതോടെ നാളെ മുതൽ സിനിമ ഷൂട്ട്‌ പുനരാരംഭിക്കാനും ഈ വെള്ളിയാഴ്ച മുതൽ പുതിയ റിലീസുകൾ നടത്താനാകുമെന്നും കരുതുന്നു.
ഫെബ്രുവരി അവസാനത്തോടെയാണ് TNFC (Tamil Film Producers Council) തമിഴ്‌നാട്ടിൽ തിയേറ്റർ സമരം ആരംഭിച്ചത്‌. ഇതോടെ ഷൂട്ടിംഗ്‌ നടന്നുകൊണ്ടിരിക്കുന്ന സിനിമകളും നിർത്തിവെക്കുകയായിരുന്നു.
കഴിഞ്ഞ ആഴ്ച റിലീസ്‌ ചെയ്ത കാർത്തിക്‌ സുബ്ബരാജ്‌ – പ്രഭുദേവ ചിത്രം ‘മെർക്കുറി’, മഹേഷ്‌ ബാബുവിന്റെ ബിഗ്‌ ബഡ്ജറ്റ്‌ തെലുഗ്‌ ചിത്രം ‘ഭരത്‌ അനി നേനു’ എന്നീ ചിത്രങ്ങളൊക്കെ ഈ ആഴ്ച തമിഴ്‌നാട്ടിലെ തിയേറ്ററുകളിൽ എത്തിക്കാനുകുമെന്ന വിശ്വാസത്തിലാണ് ഈ ചിത്രങ്ങളുടെ അണിയറ പ്രവർത്തകർ.
എന്തായാലും ഇത്‌ സംബന്ധിച്ച ഒഫീഷ്യൽ പ്രഖ്യാപനം നാളെ ഉണ്ടാകുമെന്നാണ് അറിഞ്ഞത്‌.
