പ്രശസ്ത തെലുങ്കു സിനിമാതാരം ജയപ്രകാശ് റെഡ്ഡി അന്തരിച്ചു. വില്ലനായും ഹാസ്യതാരമായും നൂറിലേറെ ചിത്രങ്ങളില് വേഷമിട്ട നടനാണ്. ഗുണ്ടൂരിലെ വീട്ടില് വെച്ച് ഹൃദയാഘാതത്തെ തുടര്ന്നായിരുന്നു അന്ത്യം. 74 വയസായിരുന്നു. ആന്ധ്രാ പൊലീസില് സബ് ഇന്സ്പെക്ടര് ആയിരുന്ന ജയപ്രകാശ് 1988ലാണ് സിനിമയില് അരങ്ങേറ്റം കുറിക്കുന്നത്. വെങ്കടേശിന്റെ ബ്രഹ്മ പുത്രുഡുവായിരുന്നു ആദ്യ ചിത്രം.
ബാലകൃഷ്ണ നായകനായ സമരസിംഹ റെഡ്ഡി, പ്രേമിച്ചുകുണ്ഡം റാജുലായി, റെഡി, കിക്ക്, കബഡി കബഡി എന്നിവയെല്ലാം അദ്ദേഹം ശ്രദ്ധേയമായ വേഷങ്ങളിലെത്തിയ ചിത്രങ്ങളാണ്. ഈ വര്ഷം റിലീസായ മഹേഷ് ബാബു നായകനായ സരിലേരു നീക്കെവ്വെരു ആണ് അവസാന ചിത്രം.