നടനും തന്റെ സുഹൃത്തും കൂടിയായ പൃഥ്വി ആദ്യമായി സംവിധാനം ചെയ്യുന്ന ചിത്രത്തിൽ അഭിനയിക്കുന്ന ത്രില്ലിലാണ് നടൻ ടോവിനോ. മോഹൻലാൽ നായകനാവുന്ന ചിത്രത്തിലെ ഒരു പ്രധാന ഭാഗം തന്നെയാണ് ടോവിനോ അവതരിപ്പിക്കുക. പരിചയപ്പെട്ട ആദ്യനാളുകളിൽ തന്നെ പൃഥ്വി ഒരു സംവിധായകൻ ആവും എന്ന പ്രതീക്ഷ തനിക്കുണ്ടായിരുന്നു എന്നു പറയുന്നു ടോവിനോ. സെറ്റിലും മറ്റുമുള്ള ഇടപെടലും ജ്ഞാനവും അത്രമേലുണ്ടെന്നാണ് ടോവിനോയുടെ വാദം.
ലുസിഫെർ സെറ്റിൽ ട്ടെക്‌നീഷ്യൻസ് ഉൾപ്പടെ എല്ലാവരും ഹാപ്പി ആയിക്കോ ഇരിക്കുന്നുണ്ടെങ്കിൽ അത് പൃഥ്വിയുടെ മേൽനോട്ടം കൊണ്ട് മാത്രമാണ്. 2000 ജൂനിയർ ആർട്ടിസ്റ്റുകൾ ഉള്ള ഒരു സീനിൽ തന്റെ തെറ്റുകൾ മൈക്കിലൂടെ വിളിച്ചു പറയരുതെന്ന ഹാസ്യരൂപേണയുള്ള സംഭാഷണം മനസിൽ വച്ചു കൊണ്ട് തന്നെ ഷൂട്ടിന് വേണ്ട മാറ്റങ്ങൾ ടോവിനോയുടെ അടുത്തു പോയി തന്നെ പൃഥ്വി തിരുത്തി തന്നിരുന്നു എന്നു ടൈംസ് ഓഫ് ഇന്ത്യക്ക് നൽകിയ അഭിമുഖത്തിൽ ടോവിനോ പറയുന്നു.
സംവിധായകൻ ആണെങ്കിൽ കൂടി തന്റെ മികച്ച സുഹൃത് കൂടിയാണ് പൃഥ്വി എന്നു ഉറപ്പിക്കുന്നതാണ് ലുസിഫെർ സെറ്റിൽ നടക്കുന്ന സംഭവങ്ങൾ. സൗഹൃദങ്ങളിൽ നിന്നും വരുന്ന ഉത്പന്നങ്ങൾക്ക് മാറ്റ് കൂടുമെന്നാണ് പഴമൊഴി. എന്തായാലും കാത്തിരിക്കാം മികച്ചൊരു ചിത്രത്തിനായി…!