ഗോദക്ക് ശേഷം ബേസിൽ ജോസഫ് സംവിധാനം ചെയ്ത് ടോവിനോ നായകനാകുന്ന മിന്നൽ മുരളിയുടെ പുതിയ പോസ്റ്റർ പുറത്തിറങ്ങി. സൂപ്പർഹീറോയായി ടോവിനോ എത്തുന്ന ചിത്രം നിർമ്മിക്കുന്നത് വിക്കൻഡ് ബ്ലോക്ബസ്റ്റേഴ്സിന്റെ ബാനറിൽ സോഫിയ പോൾ ആണ്. മലയാളത്തിന്റെ ആദ്യ സൂപ്പർഹീറോ എന്ന വിശേഷണമുള്ള ചിത്രത്തിന്റെ പുതിയ പോസ്റ്ററിൽ സൂപ്പർഹീറോ വേഷത്തിൽ ആണ് ടോവിനോ പ്രത്യക്ഷപ്പെടുന്നത്.
അരുൺ അനിരുദ്ധൻ, ജസ്റ്റിൻ മാത്യൂ എന്നിവർ ചേർന്നാണ് ചിത്രത്തിന്റെ രചന. സമീർ താഹിർ ആണ് ഛായാഗ്രഹണം നിർവഹിക്കുന്നത്. ഷാൻ റഹ്മാൻ സംഗീതവും നിരവധി ഹോളിവുഡ് സിനിമകളിൽ പ്രവർത്തിച്ചിട്ടുള്ള വ്ലാദ് റിമ്പർഗ് ചിത്രത്തിന്റെ ആക്ഷൻ സംവിധാനവും നിർവഹിക്കുന്നു. ഈ വർഷം ഓണം റിലീസ് ആയി ചിത്രം തിയേറ്ററുകളിലെത്തും.