സെലിബ്രിറ്റികളും അവർ ആരാധകർക്ക് സോഷ്യൽ മീഡിയയിലൂടെ കൊടുക്കുന്ന മറുപടികളും എന്നും വാർത്തകയാറുള്ള ഒന്നാണ്. രസകരമായ മറുപടികൾ കൊടുക്കുന്ന കാര്യത്തിൽ നമ്മുടെ മലയാള താരങ്ങൾ ഒരുപടി മുന്നിലാണെന്ന് പറയാം. കണ്ണട തരുമോ എന്ന് ചോദിച്ച ആരാധകന് ആ കണ്ണട വീട്ടിൽ എത്തിച്ചുകൊടുത്ത ഉണ്ണി മുകുന്ദനെ കഴിഞ്ഞ ആഴ്ച നമ്മൾ കണ്ടതാണ്. ഇപ്പോൾ ഇതാ ആരാധകന് രസകരമായ ഒരു മറുപടി കൊടുത്തത് മറ്റാരുമല്ല മലയാളികളുടെ യുവ സൂപ്പർതാരം ടോവിനോ തോമസാണ്. ഉണ്ണി മുകുന്ദൻ നേരിട്ട അതേ ചോദ്യമാണ് മറ്റൊരു ആരാധകൻ ടോവിനോയോടും ചോദിച്ചത്. ‘ഇങ്ങൾ കണ്ണട തരുമോ’ എന്ന ആരാധകന്റെ ആ ചോദ്യത്തിന് പക്ഷെ ടോവിനോ നൽകിയ മറുപടി ആരിലും ചിരിയുണർത്തുന്ന ഒന്നാണ്. ‘ശൂ ശൂ ആളുമാറി.. അതിവിടെയല്ല’ എന്നായിരുന്നു ടോവിനോ നൽകിയ മറുപടി.
Subscribe
Login
0 Comments