18 വർഷമായി തെന്നിന്ത്യൻ സിനിമയിൽ നായികയായി തുടരുകയാണ് താര സുന്ദരി തൃഷ. എന്നാൽ തൃഷയുടെ മലയാളി പാരമ്പര്യം അധികമാർക്കും അറിയില്ല.മലയാളിയാണോയെന്ന ചോദ്യം ഒരുപാട് പേർ ചോദിച്ചതായും താരം തന്നെ പറയുന്നുണ്ട്.
മലയാളി കുടുംബമാണ് പക്ഷെ തനിക്ക് മലയാളം അറിയില്ലെന്നാണ് തൃഷയുടെ തുറന്നുപറച്ചിൽ.’ഞങ്ങളുടേത് പാലക്കാട് അയ്യര് കുടുംബമാണ്. അച്ഛന് കൃഷ്ണന് മൂവാറ്റുപുഴ സ്വദേശിയാണ്. അമ്മ ഉമയുടെ നാട് കല്പാത്തിയും. എന്നാല് ഞങ്ങളുടെ കുടുംബം ചെന്നൈയിലാണ് സ്ഥിര താമസം. ഞാന് ജനിച്ചതും വളര്ന്നതും പഠിച്ചതുമെല്ലാം ചെന്നൈയില് തന്നെയാണ്.
അച്ഛനും അമ്മയ്ക്കും മലയാളം അറിയാമെങ്കിലും എനിക്ക് മലയാളം സംസാരിക്കാന് അറിയില്ല. മലയാളത്തില് പറയുന്നത് മനസിലാക്കാന് പറ്റും. ഗില്ലി എന്ന ചിത്രത്തില് അഭിനയിച്ചതോടെയാണ് മലയാളികള് എന്നെ അറിയുകയും ഇഷ്ടപ്പെടാന് തുടങ്ങിയതും. പിന്നീട് വിണ്ണൈതാണ്ടി വരുവായ എന്ന ചിത്രത്തിലെ ജെസിയാണ് വീണ്ടും എന്നെ മലയാളികളുടെ മനസിൽ പ്രതിഷ്ഠിച്ചത്. തൃഷപറഞ്ഞു.