സംവിധായകര് ലാലും ലാല് ജൂനിയറും ചേര്ന്ന് സംവിധാനം നിര്വഹിക്കുന്ന സിനിമയാണ് ‘സുനാമി’. ഒരു ഫാമിലി എന്റര്ടൈനറാണ് ചിത്രം. സിനിമയുടെ രസകരമായ ട്രെയ്ലർ ഇപ്പോള് പുറത്തിറങ്ങിയിരിക്കുകയാണ്. മാര്ച്ച് 11നാണ് സുനാമി തിയേറ്ററുകളില് എത്തുമെന്നാണ് പ്രതീക്ഷിക്കുന്നത്.
സിനിമയുടെ നിര്മാണം പാണ്ട ഡാഡ് പ്രൊഡക്ഷന്സിന്റെ ബാനറില് അലന് ആന്റണിയാണ്. ലാല് തന്നെയാണ് കഥയും തിരക്കഥയും ഒരുക്കിയിരിക്കുന്നത്. ദിലീപ് ഇന്നസെന്റും തമ്മിലെ സംഭാഷണം അടങ്ങിയ രസകരമായ ടീസർ നേരത്തെ സോഷ്യൽ മീഡിയയിൽ വൈറലായിരുന്നു.
അലക്സ് ജെ പുളിക്കല് ക്യാമറയും രതീഷ് രാജ് എഡിറ്റിംഗും നിര്വഹിക്കുന്ന സുനാമിയുടെ സംഗീതം കൈകാര്യം ചെയ്യുന്നത് യക്സന് ഗാരി പെരേരയും നേഹ എസ് നായരും ചേര്ന്നാണ്. പ്രവീണ് വര്മയാണ് കോസ്റ്റ്യൂം ഡിസൈന്.
ഇന്നസെന്റ്, മുകേഷ്, അജു വര്ഗീസ്, ബാലു വര്ഗീസ്, സുരേഷ് കൃഷ്ണ, ബിനു അടിമാലി, ആരാധ്യ ആന്, അരുണ് ചെറുകാവില്, ദേവി അജിത് എന്നിങ്ങനെ വലിയൊരു താരനിര തന്നെ ചിത്രത്തില് അണിനിരക്കുന്നുണ്ട്.
‘ഗോഡ്ഫാദര്’ സിനിമയുടെ ഷൂട്ടിംഗ് നടക്കുന്ന സമയത്ത് സെറ്റിലെ ഇടവേളയിൽ ഇന്നെസന്റ് പറഞ്ഞ ഒരു രസകരമായ സംഭവത്തിനെ വികസിപ്പിച്ചെടുത്തതാണ് ഈ സിനിമയുടെ കഥ എന്നാണ് വിവരം.