കൊറോണ ലോക്ക്‌ഡൗൺ നീണ്ടു പോകുന്നത്‌ സ്കൂളുകൾ ഇതുവരെ തുറക്കാത്ത സാഹചര്യമാണ് നമ്മുടെ നാട്ടിലുള്ളത്‌. ഇതിനാൽ ഓൺലൈൻ ക്ലാസുകൾ സർക്കാർ ആരംഭിക്കുകയുണ്ടായി. സാമ്പത്തികമായി ഒരുപാട്‌ പിന്നോക്കം നിൽക്കുന്ന വിദ്യാർത്ഥികൾക്ക്‌ ഇത്‌ ബുദ്ധിമുട്ടാക്കുകയും അത്‌ പരിഹരിക്കാൻ നമ്മുടെ താരങ്ങൾ ഉൾപ്പെടെ നിരവധി പേരാണ് അത്തരത്തിലുള്ള വിദ്യാർത്ഥികൾക്ക്‌ സൗജന്യമായി ടി.വി, സ്മാർട്‌ഫോൺ എന്നിവ നൽകാൻ തയ്യാറായി മുന്നോട്ട്‌ വന്നിട്ടുള്ളത്‌. ഇപ്പോളിതാ മലയാളികളുടെ സൂപ്പർമാൻ ഉണ്ണി മുകുന്ദൻ ആണ് അത്തരത്തിലുള്ള ഒരു കാര്യം ഏറ്റെടുത്തിരിക്കുന്നത്‌. 30 സ്മാർട്‌ഫോണുകൾ ആണ് ഉണ്ണി വിദ്യാർത്ഥികൾക്ക്‌ സൗജന്യമായി നൽകിയത്‌.
മാതൃഭൂമി, മൈ-ജി എന്നിവരുമായി കൈകോർത്തുകൊണ്ടാണ് ഇത്തരത്തിൽ ഒരു കാര്യം ഉണ്ണി മുകുന്ദൻ ചെയ്തത്‌. ഏറ്റവും ആവശ്യക്കാരായ 30 പേരെ കണ്ടെത്തിയതിന് ശേഷം അവർക്ക്‌ ഫോണുകൾ സമ്മാനിക്കുകയായിരുന്നു.