മലയാളത്തിലെ മസിൽ മാൻ എന്നറിയപ്പെടുന്ന വ്യക്തിയാണ് യുവതാരം ഉണ്ണി മുകുന്ദൻ . നിരവധി സിനിമകളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ച താരത്തിന് നിരവധി ആരാധകരുണ്ട്. ഈ മസിൽ മാന്റെ വിശേഷങ്ങളെല്ലാം തന്നെ സോഷ്യൽ മീഡിയയിലും ചർച്ചയാകാറുണ്ട്. താരത്തിന്റെ വിവാഹവാർത്തയ്ക്ക് കാതോർത്തിരിക്കുകയാണ് ആരാധകർ. എന്നാൽ അവരെ നിരാശരാക്കുന്ന പ്രതികരണമാണ് ഉണ്ണി മുകുന്ദൻ ഉപ്പോൾ നടത്തിയിരിക്കുന്നത്. ഒരു പ്രമുഖ മാധ്യമത്തിനു നൽകിയ അഭിമുഖത്തിലായിരുന്നു വെളിപ്പെടുത്തൽ .
ഉണ്ണിയുടെ വിവാഹവുമായി ബന്ധപ്പെട്ട് നിരവധി ഗോസിപ്പുകൾ പ്രചരിച്ചിരുന്നു. എന്നാൽ ആ വാർത്തകളെയെല്ലാം തള്ളിയാണ് താരം രംഗത്തുവന്നിരിക്കുന്നത്. വിവാഹമെന്നത് തന്റെ ജീവത്തില് ഉണ്ടാകുമോ എന്ന കാര്യത്തില് ഉറപ്പില്ല.എന്റെ ജീവിതത്തിലേക്ക് ഒരു പെണ്ണ് കടന്ന് വരുമോ എന്ന കാര്യത്തില് ഉറപ്പൊന്നുമില്ല. അത് സിനിമയില് സംഭവിക്കുന്നതില് സന്തോഷമുണ്ടെന്നാണ് ഉണ്ണി പറയുന്നത്. വിവാഹക്കാര്യം തന്നെയാണ് എല്ലാവരും ചോദിക്കുന്നത്. ഒന്നാമത് ഈ പ്രായം. ഒന്നും രണ്ടും കുട്ടികളുമൊക്കെ ഇന്ഡസ്ട്രിയില് ഇതേ പ്രായത്തിലുള്ള മിക്കവര്ക്കും ആയി കഴിഞ്ഞു. പക്ഷെ താൻ മിക്കവാറും ഫ്രീബേര്ഡായി തുടരാനാണ് സാധ്യത.
ഇതുവരെ കല്യാണ പ്രായമായെന്ന് തോന്നിയിട്ടില്ല. മനസ് കൊണ്ട് 15-16 വയസാണ്. എന്താണ് തീരുമാനമെന്ന് അമ്മവരെ ചോദിച്ചിരുന്നു. ഇതൊക്കെ സംഭവിക്കേണ്ട കാര്യങ്ങളല്ലേ. പ്ലാന് ചെയ്യേണ്ടതല്ലല്ലോ എന്നാണ് താരം ചോദിക്കുന്നത്.