കഴിഞ്ഞ ദിവസങ്ങളിലായി മേപ്പടിയാൻ എന്ന സിനിമയുടെ ട്രയ്ലർ ഷെയർ ചെയ്ത് ശേഷം അത് ഡിലീറ്റ് ചെയ്തുവെന്ന പേരിൽ നടി മഞ്ജു വാര്യർക്കെതിരെ ചില പ്രചാരണങ്ങൾ സോഷ്യൽ മീഡിയയിൽ ഉയർന്ന് വന്നിരുന്നു.
ചിത്രം സംഘ പരിവാർ ആശയം കാണിക്കുന്നത് കൊണ്ടാണ് മഞ്ജു വാര്യർ പോസ്റ്റ് ഡിലീറ്റ് ആക്കിയത് എന്ന ആക്ഷേപം ഉയർന്ന് വന്നപ്പോൾ വിശദീകരണം ആയി എത്തിയിരിക്കുകയാണ് നടൻ ഉണ്ണി മുകുന്ദൻ.
ഷെയർ പോസ്റ്റുകൾ ഒരാഴ്ചയ്ക്കകം ഫെയ്‌സ്ബുക്ക് തന്നെ റിമൂവ് ചെയ്യുമെന്ന് മുന്നേ തന്നെ അറിയിച്ചിരുന്നുവെന്നും അതിനാൽ തന്നെ എസ് പോസ്റ്റ് നീക്കം ചെയ്തതിൽ മറ്റൊരു വിഷയവും താൻ കാണുന്നില്ല എന്നും മേപ്പടിയാൻ സിനിമയുടെ നടനും നിർമാതാവും ആയ ഉണ്ണി മുകുന്ദൻ തന്നെ ഫെയ്സ്ബുക്കിലൂടെ ഇപ്പോൾ വ്യക്തമാക്കി. ഇതിന്റെ പേരിൽ ഉള്ള സകല പ്രശ്നവും വ്യാജ പ്രചാരണങ്ങളും ഇതോടെ തീരണം എന്നും ഉണ്ണി പോസ്റ്റിൽ കൂട്ടി ചേർത്തു.