ഇന്ത്യയിലെ തന്നെ ഏറ്റവും വലിയ സൂപ്പർ ൽസ്റ്റാറുകളിൽ ഒരാളാണ് വിജയ് സാർ എന്ന് പൃഥ്വിരാജ്‌. തമിഴ് നടൻ വിജയ്‌യെ പറ്റിയുള്ള അഭിപ്രായത്തെ ചോദിച്ചപ്പോഴാണ് പൃഥ്വി ദളപതി വിജയ്‌യെ പറ്റി വാചാലൻ ആകുന്നത്. തമിഴിലെ മാത്രമല്ല ഇന്ത്യയിലെ തന്നെ വലിയൊരു താരമാണ് വിജയ് എന്നും അദ്ദേഹത്തിന്റെ സിനിമകൾ ഒരു ഇന്ഡസ്ട്രിയുടെ തന്നെ മാർക്കറ്റ് ആണ് കാട്ടി തരുന്നത് എന്നും പൃഥ്വി പറയുന്നു. ഒരു താരമെന്ന നിലയിലും അഭിനേതാവ്‌ എന്ന നിലയിലും കഴിഞ്ഞ കുറച്ച്‌ വർഷങ്ങളായുള്ള അദ്ദേഹത്തിന്റെ വളർച്ച വളരെ ഇമ്പ്രസ്സീവ്‌ ആണെന്നും പൃഥ്വി പറഞ്ഞു. ഡ്രൈവിംഗ് ലൈസൻസ് സിനിമയുടെ ഭാഗമായി എല്ലാ താരങ്ങളുടെയും ആരാധകർക്ക് വേണ്ടി ഒരുക്കിയ സംവാദത്തിലാണ് ഇക്കാര്യം പൃഥ്വി പങ്കുവെച്ചത്‌.
