വിജയ് സേതുപതി – തപ്സി പന്നു എന്നിവരെ കേന്ദ്രകഥാപാത്രങ്ങളാക്കി ദീപക് സുന്ദരരാജൻ സംവിധാനം ചെയ്യുന്ന ഹൊറർ കോമഡി ചിത്രം ‘അന്നാബെല്ലെ സേതുപതിയുടെ’ ട്രെയിലർ എത്തി.വളരെ രസകരമായ ട്രെയ്ലർ ഇതിനോടകംതന്നെ വൈറലായിക്കഴിഞ്ഞു.
യോഗി ബാബു, ജഗപതി ബാബു, രാജേന്ദ്രപ്രസാദ്, രാധിക ശരത്കുമാർ, ദേവദർശിനി, വന്നെല്ല കിഷോർ, ചേതൻ, സുബ്ബു പഞ്ചു, മധുമിത, രാജ സുന്ദരം, സുരേഷ് മേനോൻ, ജോർജ് മേരി ജോൺ മേരി തുടങ്ങി നിരവധി താരങ്ങളും ചിത്രത്തിന്റെ ഭാഗമാകുന്നുണ്ട്.
ഗൗതം ജോർജ് ആണ് ഛായാഗ്രാഹകൻ. സെപ്റ്റംബർ 17ന് ഡിസ്നിപ്ലസ് ഹോട്ട്സ്റ്റാറിലൂടെ ചിത്രം റിലീസ് ചെയ്യും.സുധൻ സുന്ദറാം, ജി ജയറാം എന്നിവർ ചേർന്നാണ് ചിത്രം നിർമ്മിക്കുന്നത്. പ്രദീപ് ഇ രാഘവാണ് എഡിറ്റർ. ദീപക് സുന്ദർരാജന്റേത് തന്നെയാണ് കഥ.
‘അന്നാബെല്ലെ സേതുപതി’ ഉൾപ്പടെ വിജയ് സേതുപതി നായകനാകുന്ന മൂന്ന് ചിത്രങ്ങളാണ് സെപ്റ്റംബറിൽ വിവിധ പ്ലാറ്റ്ഫോമുകളിലൂടെ റിലീസ് ചെയ്യുന്നത്.