തമിഴകത്തിന്റെ മക്കൾ ശെൽവൻ വിജയ് സേതുപതിയുടെ പുതിയ ചിത്രം റിലീസിനൊരുങ്ങുകയാണ്. കാ പേ രണസിംഗം എന്ന ചിത്രത്തിന്റെ പുതിയ പോസ്റ്റർ പുറത്തിറങ്ങിക്കഴിഞ്ഞു. ചിത്രം നേരിട്ട് ഡിജിറ്റല്‍ പ്ലാറ്റ്‌ഫോമില്‍ റിലീസ് ചെയ്യും. സീ5ല്‍ ആണ് ചിത്രം പ്രദര്‍ശനത്തിന് എത്തുന്നത്.
കെ.ജി.ആര്‍. സ്റ്റൂഡിയോസിന്റെ ബാനറില്‍ കൊട്ടപാടി ജെ. രാജേഷാണ് നിര്‍മിക്കുന്നത്. പി വീരുമാണ്ടിയാണ് സംവിധാനം. ഐശ്വര്യ രാജേഷ് ആണ് ചിത്രത്തിലെ നായിക. ഒരു പൊളിറ്റിക്കൽ ത്രില്ലറായാണ് കാ പേ രണ സിംഗം ഒരുക്കിയിരിക്കുന്നത്. പത്രപ്രവര്‍ത്തകരായ നടന്‍ രംഗരാജ് പാണ്ഡെ, അഭിഷേക്, അരുണ്‍രാജ തുടങ്ങിയവർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
