Thursday, January 27, 2022

മാന്നാർ മത്തായി സ്പീക്കിങ്ങിന്’ 25 വയസ്; ഓർമ്മകൾ പങ്കുവച്ച് വിജയരാഘവനും മാണി.സി.കാപ്പനും

മാന്നാർ മത്തായി സ്പീക്കിങ് എന്ന മലയാളത്തിലെ സൂപ്പർ ഹിറ്റ് സിനിമ കാൽ നൂറ്റാണ്ട് പിന്നിട്ട അവസരത്തിൽ അതിന്റെ ലൊക്കേഷനെക്കുറിച്ചും സിനിമയെക്കുറിച്ചും ഓർത്തെടുക്കുകയാണ് നടൻ വിജയരാഘവനും, ചിത്രത്തിന്റെ സംവിധായകനും നിർമാതാവുമായ മാണി.സി.കാപ്പനും. സിനിമ പോലെ തന്നെ തമാശ നിറഞ്ഞ ലൊക്കേഷനായിരുന്നു ‘മാന്നാർ മത്തായി സ്പീക്കിങ്’ ലൊക്കേഷനും. ‘റാംജിറാവു’ എന്ന കഥാപാത്രത്തെ 5 സിനിമയിൽ അവതരിപ്പതും റെക്കോർഡ് വിജയമാണെന്നു നടൻ വിജയരാഘവനും പറഞ്ഞു.

സിനിമയുടെ ലൊക്കേഷൻ ഏറ്റുമാനൂരിൽ നീണ്ടൂർ പഞ്ചായത്തിലെ ശാസ്താങ്കലിനു സമീപം കൈപ്പുഴ എന്ന സ്ഥലത്തായിരുന്നു. മാന്നാർ മത്തായി സ്പീക്കിങ് സിനിമയുടെ ആദ്യഭാഗമായ ‘റാംജിറാവു സ്പീക്കിങ്’ ആലപ്പുഴയിലാണ് ചിത്രീകരിച്ചത്. ആലപ്പുഴയിലെ ‘ഉർവശി തിയറ്റേഴ്സ്’ പ്രവർത്തിച്ച കെട്ടിടം വർഷങ്ങൾക്ക് മുൻപ് പൊളിച്ചു നീക്കിയിരുന്നു. മാണി സി കാപ്പന്റെ ഉറ്റസുഹൃത്ത് കൈപ്പുഴ തറയിൽ ലൂക്കാച്ചന്റെ കെട്ടിടമായിരുന്നു ഇത്.
10 മുറികളുള്ള വാർത്ത കെട്ടിടം. വിശാലമായ മുറ്റവും പരിസരവും. ‘ഉർവശി തിയറ്റേഴ്സ്’ അങ്ങനെ അവിടെ പ്രവർത്തനമാരംഭിച്ചു. നാടക കമ്പനിയുടെ പ്രധാന ബുക്കിങ് ഓഫിസും റിഹേഴ്സൽ ക്യാംപും ഇവിടെതന്നെയായിരുന്നു.

ചിരിയുടെ മാലപ്പടക്കങ്ങളുമായി നാടകത്തിന്റെ പിന്നാമ്പുറങ്ങൾ കേരളത്തിലുടനീളം സഞ്ചരിച്ചു. ഒപ്പം മത്തായിച്ചേട്ടനും ബാലകൃഷ്ണനും ഗോപാലകൃഷ്ണനും ഗർവാസീസ് ആശാനും പിന്നെ മീരയും. ‘പുറപ്പെട്ടു, പുറപ്പെട്ടു; പുറപ്പെട്ടിട്ട് അരമണിക്കൂറായി’ എന്ന സീൻ ഇപ്പോഴും സമൂഹ മാധ്യമങ്ങളിൽ ട്രോളുകളുടെ പെരുമഴയായി വരുന്നുണ്ട്. തറയിൽ ലൂക്കാച്ചന്റെ ഉടമസ്ഥതയിൽ തന്നെയുള്ള ഇല്ലിക്കൽ റസ്റ്റ് ഹൗസിലാണ് ഈ സീൻ ചിത്രീകരിച്ചത്.

ഇല്ലിക്കൽ റസ്റ്റ്ഹൗസിൽവച്ചാണ് സിദ്ധിക്ക് ലാൽ ഇതിന്റെ തിരക്കഥയും സംഭാഷണവും രചിച്ചത്. സിനിമയിലെ മറ്റു ഭൂരിപക്ഷ സീനുകളും നീണ്ടൂരിലെ വീട്ടിലാണ് ചിത്രീകരിച്ചത്.

ലൊക്കേഷനിൽ വച്ച് ഉണ്ടായ മറ്റൊരു അനുഭവം കാപ്പൻ വിവരിക്കുന്നത് ഇങ്ങനെ. സഹനടി നേരത്തെ പറഞ്ഞ് ഉറപ്പിച്ചതിനേക്കാളും തുക സെറ്റിൽ വച്ച് ആവശ്യപ്പെട്ടു. പ്രൊഡക്‌ഷൻ കണ്ട്രോളർ ഗത്യന്തരമില്ലാതെ ചെക്കെഴുതി. കാപ്പൻ ഒപ്പിട്ടു നൽകി. പിന്നീട് അധികം കഴിയുന്നതിനു മുൻപെ നടി തിരികെയെത്തി. ചെക്ക് മടക്കി തന്നു. ചെക്കിൽ തീയതി രേഖപ്പെടുത്തിയത് ഫെബ്രുവരി മുപ്പത് എന്നാണ്. പിന്നെ പുതിയ ചെക്ക് നൽകി പ്രശ്നം പരിഹരിച്ചു. 

നടൻ വിജയരാഘവൻ ‘റാംജി റാവു’ എന്ന കഥാപാത്രത്തെ 5 സിനിമകളിൽ അവതരിപ്പിക്കേണ്ടി വന്ന അനുഭവമാണ് പങ്കുവച്ചത്. ‘റാംജി റാവു സ്പീക്കിങ് ’ എന്ന സിനിമയിൽ ടൈറ്റിൽ കഥാപാത്രത്തെ അവതരിപ്പിച്ചു. പിന്നീട് മാന്നാർ മത്തായി സ്പീക്കിങ്, ഇതിന്റെ മറ്റു ഭാഷകളിലുള്ള ചിത്രത്തിനു പുറമേ മറ്റൊരു സിനിമയിലും ഇതേ പേരിലുള്ള വില്ലൻ കഥാപാത്രമായി വേഷമിട്ടിരുന്നു.

Trending Articles

മഞ്ജു വാര്യരുടെ പേരിൽ നടക്കുന്ന പ്രചാരണങ്ങൾക്കെതിരെ ഉണ്ണി മുകുന്ദൻ

കഴിഞ്ഞ ദിവസങ്ങളിലായി മേപ്പടിയാൻ എന്ന സിനിമയുടെ ട്രയ്ലർ ഷെയർ ചെയ്ത് ശേഷം അത് ഡിലീറ്റ് ചെയ്തുവെന്ന പേരിൽ നടി മഞ്ജു വാര്യർക്കെതിരെ ചില പ്രചാരണങ്ങൾ സോഷ്യൽ മീഡിയയിൽ ഉയർന്ന് വന്നിരുന്നു.

മഞ്ജു വാര്യരുടെ പേരിൽ നടക്കുന്ന പ്രചാരണങ്ങൾക്കെതിരെ...

കഴിഞ്ഞ ദിവസങ്ങളിലായി മേപ്പടിയാൻ എന്ന സിനിമയുടെ ട്രയ്ലർ ഷെയർ ചെയ്ത് ശേഷം അത് ഡിലീറ്റ് ചെയ്തുവെന്ന പേരിൽ നടി മഞ്ജു വാര്യർക്കെതിരെ ചില പ്രചാരണങ്ങൾ സോഷ്യൽ മീഡിയയിൽ ഉയർന്ന് വന്നിരുന്നു.

അഭിനയ മികവിന്റെ ട്രാക്ക് മാറ്റത്തിൽ മലയാളികളുടെ...

കഴിഞ്ഞ കുറച്ചു ദിവസങ്ങളായി സോഷ്യൽ മീഡിയ അറിയാതെ തന്നെ ചർച്ച ആവപ്പെടുന്നുണ്ട് ഉണ്ണി മുകുന്ദൻ എന്ന താരം.കഴിഞ്ഞ ഏതാനും മാസം മുന്നേ ഇറങ്ങിയ പൃഥ്വിരാജ് ചിത്രം ഭ്രമത്തിലെ ദിനേശൻ എന്ന...

തികഞ്ഞ അഭിനേതാവിലേയ്ക്കുള്ള വേഷപകർച്ചയുമായി ഉണ്ണി; ശരാശരി...

വിഷ്ണു മോഹൻ കഥയെഴുതി സംവിധാനം ചെയ്ത് ഇന്ന് തീയേറ്ററുകളിൽ എത്തിയ പുതുവർഷത്തിലെ ആദ്യ മലയാളം ചലച്ചിത്രങ്ങളിൽ ഒന്നാണ് മേപ്പടിയാൻ.ഉണ്ണി മുകുന്ദൻ പ്രധാന താരമായി എത്തുന്ന സിനിമ നിര്മിച്ചിരിക്കുന്നതും ഉണ്ണി മുകുന്ദൻ...