ബ്രഹ്മാണ്ഡ ചിത്രം ബാഹുബലിയിലെ വില്ലൻ കഥാപാത്രത്തെ പ്രേക്ഷകർക്ക് മറക്കാനാകില്ല. പല്ലാൾ ദേവനായി തകർത്തഭിനയിച്ച റാണ ദഗുബാട്ടിയേയും. ഇപ്പോഴിതാ ദക്ഷിണേന്ത്യൻ സിനിമയിലെ ഈ സൂപ്പർ വില്ലന്റെ വിവാഹമാണ് ചർച്ചയാകുന്നത്. ലോക് ഡൗണിനിടയിലാണ് താരം. തന്റെ കാമുകി മിഹീകയെ ജീവിത സഖിയാക്കിയത്.
പൂർണമായും കൊവിഡ് പ്രോട്ടോക്കോൾ പാലിച്ച് നടന്ന വിവാഹം അധികമാരും അറിഞ്ഞിരുന്നില്ല. അടുത്ത ബന്ധുക്കൾ മാത്രമാണ് പങ്കെടുത്തത്. മാത്രമല്ല വിവാഹ വേദിയായത് ഹൈദരാബാദിലെ രാമനായിഡു സ്റ്റുഡിയോ ആയിരുന്നു. വിവാഹ വാർത്തയും ചിത്രങ്ങളും പുറത്തുവന്നതോടുകൂടി ഏറെ ചർച്ചയായാത് വിവാഹവേദി സ്റ്റുഡിയോ ആക്കിയ കാര്യമായിരുന്നു.
ഇപ്പോഴിതാ അക്കാര്യം വെളിപ്പെടുത്തിയിരിക്കുകയാണ് റാണ. സിനിമ ചിത്രീകരണങ്ങളൊന്നും നടക്കാതിരുന്ന കാലമായതിനാലാണ് വിവാഹത്തിന് സ്റ്റുഡിയോ തെരഞ്ഞെടുത്തതെന്നു റാണ പറയുന്നു. ‘കൊവിഡ് കാലമായിരുന്നാല് അന്ന് ബുദ്ധിമുട്ടുകളുണ്ടായിരുന്നു. സാമൂഹിക അകലം പാലിക്കേണ്ടത് നിര്ബന്ധമാണ്. കുറച്ചുപേര് മാത്രമേ വിവാഹത്തിന് പങ്കെടുക്കാവൂ. സുരക്ഷാ മാനദണ്ഡങ്ങള് പാലിക്കാന് നമ്മള് ശ്രദ്ധിക്കണം. അധികം ആള്ക്കാര് ഒത്തുചേരാന് പാടില്ല. അങ്ങനെയൊക്കെ ആയിരുന്നപ്പോള് സ്റ്റുഡിയോ യോജിച്ച സ്ഥലമാണ്. മാത്രമല്ല വീട്ടിൽ നിന്ന് വളരെയടുത്തും. അങ്ങനെ ഏറെ കാര്യങ്ങൾ ഒത്തുവന്നതോടെ സ്റ്റുഡിയോ വേദിയാക്കുകയായിരുന്നുവെന്നാണ് താരം പറയുന്നത്.