മോഹൻലാൽ നായകനായി 1994 ൽ റിലീസ് ചെയ്ത ചിത്രമാണ് ‘പക്ഷെ’. ശോഭനയും, ശാന്തി കൃഷ്ണയും നായികമാരായെത്തിയ ചിത്രത്തിൽ തിലകന്‍, ഇന്നസെന്‍റ്, വേണു നാഗവള്ളി, ജഗതി ശ്രീകുമാര്‍, എം ജി സോമന്‍ തുടങ്ങി വൻ താരനിരതന്നെ ഉണ്ടായിരുന്നു.
എന്നാൽ ചിത്രത്തിന്റെ തിരക്കഥാകൃത്തായ ചെറിയാൻ കൽപ്പകവാടി പറയുന്ന കഥയാണ് ഇപ്പോൾ വൈറലാകുന്നത്. പക്ഷെയുടെ കഥകേട്ട എല്ലാവരും അഭിപ്രായപ്പെട്ടത് മമ്മൂട്ടിയെ നായകനാക്കണമെന്നായിരുന്നത്രേ. എന്നാൽ മോഹന്‍ലാല്‍ നന്നായി തിളങ്ങുമെന്ന് തങ്ങള്‍ക്കുറപ്പുണ്ടായിരുന്നു എന്ന് ചെറിയാന്‍ കല്‍പ്പകവാടി പറയുന്നു.
ചിത്രത്തിന്റെ ക്ലൈമാക്സാണ് വിജയത്തിലേക്ക് നയിച്ചതെന്നും ചെറിയാൻ കൽപ്പകവാടി പറയുന്നു. ചിത്രം ഇന്നും ഓർത്തിരിക്കുന്നത് ക്ലൈമാക്സിന്റെ പ്രത്യേകത കൊണ്ടാണെന്നും ഒരു യൂട്യൂബ് ചാനലിന് നൽകിയ അഭിമുഖത്തിൽ അദ്ദേഹം പറയുന്നുണ്ട്.