നിരൂപക പ്രശംസയും പ്രേക്ഷക പ്രശംസയും ഏറെ ലഭിച്ച സുഡാനി ഫ്രം നൈജീരിയ എന്ന സിനിമക്ക്‌ ശേഷം സകരിയ മുഹമ്മദ്‌ ഒരുക്കുന്ന അടുത്ത ചിത്രത്തിന് ‘ഹലാൽ ലൗ സ്റ്റോറി’ എന്ന് പേരിട്ടു. പപ്പായ ഫിലിംസിന്രെ ബാനറിൽ ആഷിക്‌ അബു നിർമ്മിക്കുന്ന ഈ ചിത്രത്തിൽ ഇന്ദ്രജിത്ത്‌, ജോജു ജോർജ്‌, ഷറഫുദ്ദീൻ, ഗ്രേസ്‌ ആന്റണി തുടങ്ങിയവരാണ് പ്രധാന കഥാപാത്രങ്ങളായി എത്തുന്നത്‌.
സംവിധായകൻ സകരിയയും മുഹ്സിൻ പരാരിയും ചേർന്നാണ് ചിത്രത്തിന് തിരക്കഥ ഒരുക്കുന്നത്‌. അടുത്ത വർഷം ചിത്രം തിയേറ്ററുകളിലെത്തും.
